حلوة البرييوش

المقادير: 1 كلغ طحين 2 معلقة خميرة الخبز 2 معلاق زيدة 300 غ زبدة باش نورقو العجين ... 1 ملعقة ملح كبيرة كأس حليب دافئ كأس ماء دافى كأس صغير سكر سنيدة ولكريم باتيسيير الزبيب الطريقة نعجن الكل باليد ندلكوها جيدا ونخليوها ترتاح مدة 30 دقيقة بعد ذالك نبسط العجيبة على طاولة العمل نتبع طريقة العجيبة المورقة نفرد و نضيف الزبدة و نطوي العجيبة ع اربعة ووندخلوها الثلاجة و هكذا 4 مرات كلا مرا ندخلوها لتلاجة باش زبد تشد راسها اخر مرة نفرد العجيبة ع شكل مستطيل و ندهن الوجه كلو بالكريما و نرش الزبيب و رشة سكر و نلف العجيبة ع نفسهاتم ندخلوها لتلاجة لفريكو باش ديغيا تشد راسها و تقطع دوائر و توضع في لاطة الفرن تغطى و تترك ترتاح مرة أخرى لحد ما يضاعف شوي حجمها تدهن كل قطعة بالحليب بصفار بيض و تدخل الفرن وو تقدم بصحة و عافية

كيك خفيف التحضير

كيك خفيف التحضير

الوصف: المقادير

‎1 كوب دقيق
1\2 كوب سكر
1 م بكنج بودر + فانيليا
بيضتين
عصير حسب الرغبه

طريقة التحضير

تخلط جميع المقادير بالخلاط جيدا ثم تخبز بالفرن
وشهية طيبة للجميع
اريد الردود

حلوى الطبقات بالمعجون2013

حلوى طبقات المعجون وشكولاطة
المقادير

4بيض
كاس زيت
كاس ونصف سكر عادي او ناعم
كاس نشا
1 ونصف خميرة
فانيلا
فرينه
كيلو معجون نوع ثقيل هدا ضروري
كمية من الكوكاو او اللوز مرحي

شكولاطه ذائبة

الطريقة
بواسطة خلاط كهربائي ضربي البيض و السكر لمدة 5د ضيفي الزيت و خلطي يصبح خليط مثل الرغوة افرغي عليها الفانيلا و نشا و خميرة خلطي و لميها بالفرينه حتى تتماسك و تكون طريه و لينه
اقسمي العجين الى4 كرات
ادهني صينيه بالزيت و قرصي كرة الأولى ادهنها بالمربى يكون ثقيل و هدا ضروري ورشي عليها الكوكاو مرحي رطب

انا هنا عملتو بالمربى المحضر فى المنزل

حلي عجينه الثانية فوق كيس بلاستيك مرشوش بالفرينه بحجم الصينية احملها و اقلبيها فوق الصينية
ادهنها كذلك بالمربى وكري لعمليه حتى تكملي 4طبقات
(طريقة الكيس تساعدك حتى تستطيعي حمل العجين من طاوله الى الصينية)
سخني الفرن ادخلها الفرن حتى تصبح الأطراف بني فاتح أخرجها من الفرن تبرد زينها بالشكلاطة مذوبتها ثقيلة
تجف قطعها حسب الرغبة

مقروض التمر من كوزينتي 2013

المقادير:
للعجينة: كيلو سميد متوسط-250غ دهان-ماء الزهر
للحشو: كيلو تمر الحميرة ( الغرس )-جلجلان (يمكن الاستغناء عنه او استبداله بالكوكاو او اللوز )
قرفة
للتزيين: عسل

طريقة التحضير:
اولا ذوبي الدهان و خليه يبرد و من بعد بسي بيه السميد مليح بين يديك
و خليه يبات ليلة كاملة



غدوة من داك فوري التمر و مرسيه بعد ما تنحيله النوا زيديله شوية جلجلان مع القرفة و خلطيه مليح



و عملي منع اصابع طويلة حسب الطابع



بالنسبة للعجين راكي رايحة تلقاية شوية يابس فتيه بين يديك حتى يرجع هشيش



خودي منه جزء فوق الطاولة و بداي تشمخي فيه بالماء الزهر (يمكن تخلطي ماء الزهر مع الماء)
حتى تحسي بيه تشمخ مليح قسمي هاداك الجزء الى قسمين



شكلي الاول على شكل مستطيل و ماتضغطيش عليه على حساب الطابع اللي عندك راه موضح في الصورة مع التمر
بواسطة اصبعك حددي خط مستقيم اللي رايحة تحطي فيه التمر طبعا بدون ما تضغطي
و حطي التمر ثم غطي بالجزء المتبقي من العجين و و لميه على بعضه دائما بدون ضغط قوي
(للاسف الصور محيتهم بالخطا)
جيبي الطابع تاعك و حطيه فوق القبة اللي عملتيها........هههههه
و دروك لازم تضغطي مليح حتى تلاحضي خروج العجينة من الاطراف و فيها التمر في بعض الاحيان



المهم قبل ما تنزعي يدك على الطابع (انا نزعت يدي باش نصور) بواسطة سكبن انزعي الاطراف
ثم انزعي الطابع



و فرقي الحبات . حملي الحبة بيدك و ضربي الجوانب على الطابلة باش تتزير الحبة مليح



الاطراف اللي تنزعيهم و يكون فيهم التمر ما ترميهمش
نحي منهم هاداك التمر و استعمليه عادي



هادي العجينة اللي بقاتلي عملت نوع اخر



هاذا العبر اللي يعملو كيلو سميد.......يوسف سرقلي حبة و فتتهالي....ههههههه



سخني الزيت مليح و لازم يكون ياسر من بعد نقصي عليه النار



و قلي الحبات و هذا شكلها



من الافضل تعسليهم و هوما سخونين و العسل بارد باش يتشربو العسل





اوووووووووف عيييييييييييييييت
نتمنى يعجبكم و تعبي مايروحش باطل
مشي في الطياب في الكتبة

طريقة تحضير المبسس 2013

بحرتلك و ملقيتيش واش ديري
وصفة ساهلة و سريعة
مع قهوة ولا اتاي
ولا اروع

تحتاجين الى سميد متوسط- شوية ملح-شوية حرور-سكر-دهان ذائب مخلط مع الزيت
زيت للقلي- عسل



خلطي المقادير الجافة مع بعض
ثم اضيفي السوائل



و بسي العجينة تاعك مليح



ثم لمديها بالماء الدافىء
متكتريش الماء باش متجيكش جارية
شكلي خبزة كيما في الصورة



قطعي الحبات بالسكين



اقليهم في الزيت

او دخليهم في الفور



عسليهم و هوماسخونين باش يشربو مليح العسل







و بالصحة و الراحة

مقروض امجرب وناجح 2013

بسم الله الرحمان الرحيم


سلام عليكم كل الاخوات اليوم جبتلكم مقروض درت في العيد روعة وناجح واتمنى اتجربوه.


المقادير

1كوب سمن+1كوب زيت +1كوب ماء الزهر+2كوب فرينة+1خمارة كميائية+سميد متوسط اوخشن اشوية اي لم بالسميد المتوسط او الخشن حتان تصير عندك عجينة تقدري تشكليها .

الحشوة

تمر منقي انفورواغير ميطلع الفوار نحيه ونضيف اشوية زيت ونعجن حتى تصير عندي عجينة +فاني او اي اروم تحبيه انت واختيارك

والبقية معروفة ثم على الفور ولما يطيب عسليه .جربوه والله ناجح وما تلقايش صعوبة فيه وشكرا

لاتنسوني بالدعاء

قاطو خفيف 2013

السلام عليكم ورحمة الله وبركاته

نبدا على بركة الله
المقادير
250غ مرغرين لابال + بيضتان + صفار + كاس سكر قلاسي + كاس نشاء + كاس كوكاو
مرحي ناعم + فاني وخميرة + ملعقة كبيرة كاكاو نتاع الميزان + فرينة





نخبط المرغرين باليد جيدا ثم السكر ثم البيض ثم باقي المكونات حتى نتحصل على عجينة
نحللها ونقطعها بطابع مربع
راهي صعبة شوية تلصق في الحلالة وتتشقق انت وشطارتك









نطهيها في الفرن

نحضر كريمة الزبدة
نخفق صفار بيضتين جيدا ثم نضيف كاس سكر قلاسي ونواصل الخفق ثم نضيف 200غ مرغرين لابال ونخفق





ثم نضيف ملعقة كبيرة كاكاو + كاس كوكاو مرحي ناعم





واخيرا نذوب شكولاطة ونضيفها ونخفق كلما اردتيها متماسكة اكثري من الشكولاطة ضعيها في الثلاجة تتماسك


.

ثم الصقي بها كل اثنين

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

ادهني الحواف بالكريمة ومرريهم في الكوكاو او الجلجلانية

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

ضعي ثلاث خطوط شكولاطة

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

اعكسيهم بثلاث خطوط من الخليط الابيض

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

وهاهو جاهز والمقادير تعطيك 50 حبة

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

إضغط هنا لرؤية الصورة بحجمها الطبيعي.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.