المقادير و الطريقة
12مغرف كبيرة عصير برتقال
12 مغرف كبيرة زيت
قبضة ملح
6 مغارف كبارسكر عادي
2 بيضات
1 خمارة
1 فاني
9 مغارف كبار دقيق
التزيين
بنانة مقطعة دوائر
مقاديرلكريمة
كاس كبير عصير برتقال (ربع لتر )
3 مغارف كبار سكر
2مغارف كبار مايزينا
نجيوللتحضير
نخلطوا العصير مع الزيت و والسكر وشوية الملح و الفاني و البيض في الخلاط الكهربائي و نخلطو مليحثم نزيدو الفرينةو الخمارة و نخلطو بالسباتيل او الضراب ثم نصب الخليط في مول مدهون بالزبدة و مرشوش بالدقيق و ندخلوه للفرن
منين تطيب الطورطة نخرجوها و نخليوها تبرد
تحضير لاكريم
نديرو كاس نتاع عصير البرتقال وشوية ليمون نص نص في كسرونة فوق النار مع السكر و المايزينا ونخلطو مليح و نبقاو نحركو فوق نارقليلة حتى يعقد الخليط ثم نديرو الطورطة في طبق التقديم و نسرحو فوقها لاكريم نتاع الليمون و نستفو فوقها دوائر البنان و منين تبرد لاكريم ندخلو الطورطة للثلاجة و نخليوها تبرد مليح من الاحسن تبات فالثلاجة ثم تقدم في الغذ
انا درت بعض التعديلات عوض ماندير لاكريم ومن بعدالبنان درت العكس ستفت عليها البنان (زوج بنانات دوائر ) و درت عليه الكريما من الفوق حيت خفت البنان يكحال و ما شي ضروري تبرد
الطورطة غير وجدت الكريما درتها عليها و خليتهم بردو
و كذلك بالنسبة للطورطة ماتحتاجش تبات فالثلاجة غير الكريما تبرد و تشد روحها
الطريقة بالصور
No comments:
Post a Comment