البيتزا التركية بالخطوات 2013

حبيباتي السلام عليكن
جبتلكم وصفة البيتزا وهي وصفة تركية معروفة باسمlahmacun وتجي بنينة ورائعة تابعو معايا المقادير وان شاء الله تنال رضاكن
المقادير
بالنسبة للعجينة نحتاج 2 كاس كبير فرينة,ملعقة ونصف كبيرة حليب بودرة,ملعقة صغيرة ملح,2 ملعقة اكل خميرة فورية,ملعقتين اكل زيت,3/4 كاس ماء دافئ
تمزج جميع المقادير جيدا حتى تتشكل لدينا عجينة ملساء ونقدرو نتحكمو فيها ,نقسمها الى كويرات صغيرة ونخليها ترتاح

الحشو:
حوالي 200 غ لحم مرحي,حبة بصلة مقطعة صغيرة,نصف حبة فلفل احمر مقطع صغير,نصف حبة فلفل اخضر مقطع صغير,شوية معدنوس,نصف كاس طماطم مقطعة صغيرة,ملعقة كبيرة طماطم مصبرة,ملح,فلفل اسود,ملعقة صغيرة كمون,2 ملعقة صغيرة ففل احمر,ملعقتين اكل زيت زيتون او زيت عادية
يخلط الكل جيدا

والباقي ياتي موضح في الصور

واللي يحب الحار كيما انا يزيد يضيفو للحشو





















الاتراك يدروها بلا فرماج بصح اللي تحب تزيدو يجي الذوق هايل





ملاحظة: البيتزا طيب في فرن يكون ساخن لمدة 7 دقايق

حريرة الزربة 2013

تحية لكن حبيباتي ونتمنى تكونو بخير دائما في اطار الوصفات السريعة وطبعا لربح الوقت خاصة للضيف المفاجيء نقترح عليك اليوم اختي اسرع حريرة
واسمها حريرة الزربة انا نعتدمدها كثير كي نكون مزروبة وتحضر حتى في اخر اللحظات والشي الي يسهل العكملية هي رحي الخضر مسبقا يعني خضرة قبل ما تطيب وفي وقت قيلسي تابعي الخطوات
حريرة الزربة

اولا وقبل ما تنظفي الخضر ديري الماء يغلي

الخضر نحتاجو/ بصل / جزر / طماطم/ كرافس /قصبر /اوراق نعناع/

حطيهم في الروبو وطحنيهم مليح

يرجعو هكدا

نحطوهم في قدر الماءالموجود على النار

نضيفو التوابل ملح /فلفل ااسود /فلفل احمر /راس الحانوت/ كروية/ شوية حبة حلاوة /رشة زعفران / سكنجبير / شحم كلوة ادا كان متوفر

نضيف مكعبات البنة انا نستعمل هاد النوع

نرحي القصبر والكرافس والنعناع

نتركها مدة 20دقيقة ونرحي كل شي بالمكسور

نكونو حضرنا خليط الفرينة والتشيشة المنفخة في الماء عدرا مصورتهاش نرميها على المرق بعد الي ندوقها ونزيد حاجة ناقصة وتصبح جاهزة

عند التقديم وكي نسخنوها نزيدو ليها 2 بيض ونخلطو تصبح كيما الدجاج المفتت وتعطي نكهة طيبة
ماهيش حاجة كبيرة وممكن تعرفوها بصح هدا منتدى وفيه مبتدئات

خبز التونة من مطبخي 2013

كنت اتجول فنت لقيت هاد الخبز جربتو
المقادير
300غ فرينة
نصف مغرفةاكل سكر
2 مغارف اكل حليب بدرة
2 مغارف قهوة خميرة الحلوة
حبة بيض مخفوقة
2 مغارف اكل زبدة طرية
نصف مغرف قهوة ملح
ماء دافئ للعجن

خلطت كل المواد وعجتو وغطتو وخليتو يخمر

بعد ما خمر قطعتو كورات صغار

ودرت حربوش وعملتهم على ثمانية {8} وخليتهم خمرو مرة ثانية

الحشو
قليت شوية بصل مع ملح فلفل لكحل وضفت علبة تونة وخليتو حتي دبال واضفتلو 2 حبات بيض مغلين مقطعين مايوناز هريسة او كموبر

وحطيت الحشو من فوق ودهنتهم باليض ودخلتهم للفور يكون سخون على اعلى درجة

هادا بعد ما طاب
انشاء الله تعجبكم الطريقة

الحرشة بالجبن والزيتون 2013

المقادير

- كيلو أو كيلو و نصف من السميد الرقيق
- نصف لتر حليب
- ملعقة كبيرة من السكر السميد
- قليل من الخميرة الطرية
- 2 أكياس من الخميرة الفورية
- 20 سنتلتر من ** الزيت و الزبدة ** ندوبهم مع بعض
- شوية ملح

للحشو ة

- الزيتون الأسود
- الجبن

الطريقة

نأخد السميد و نضيف له الزبدة المذابة مع الزيت و جميع المقادير الأخرى
و نخلط بأيدينا جيدا حتى تتجانس العناصر مع بعضها
و اذا لاحظنا أنها تلتصق بالأيدي لأنها لينة نضيف لها السميد حسب الحاجة
نرش كثير من السميد على السطح الذي سنبسط عليه قطع العجين
حتى لا تلتصق بالسطح







طريقة تحضير الحرشة

- ناخد السميد و نظيف له الزبدة المدابة و الزيت و جميع المقادير الاخرى و نخلط بايدينا حتى تتجانس العناصر مع بعضها.

ملاحظة ** عجينة الحرشة تكون لينة كثيرا و تحتاج صبر فهى تلتصق الشئ و ادا اظطررنا فاننا نضيف السميد .


- فوق سطح مرشوش كثيرا بالسميد نبسط قطعة من العجين جيدا .

و نضع طبقة من الحشو .
- ثم ناخد قطعة من العجين ثانية و نبسط جيدا حتى تتجانس شوى ثم نطوى الجوانب قليلا ادا ظهرت الحشوة.
- و نقطع العجينة بالكأس كما تبين الصور
- ونستمر حتى تنتهى العجين
- و فى نفس الوقت ناخد المقلاة المعدنية الثقيلة و نضع القطع حتى تنضج من كلتا الجهتين

محاجب سخونين بكيفيتين بالصور 2013

السلام عليكم و رحمة الله و بركاته

نعجن السميد( دقيق القمح)+ كمشة فرينة (دقيق أبيض)
+ملح +قرصة خميرة الخبز

و نعجن


جيدا جدا بالماء و نشكل كريات صغيرة نغطيها بكيس بلاستيكي



نتركها تستريح ساعة


ثم نفتحها بقليل من الزيت


و الحشوة عبارة عن بصل و طماطم مقليين و مرحيين



و بطاطا و جبن

المهم إحشيها بما تريدين
نحضر صوص الطماطم البصل و الطماطم و نرحيها بالرحاية اليدوية

أترككنّ مع الصور




نفتحها و نحشيها بطوص الطماطم و الفلفل الحلو المقلي


و البطاطا المقلية و قطع من الجبن









































أو نحشيها بصوص الطماطم فقط






























عندما نحشي كل واحدة نضعها مباشرة فوق مقلاة التيفال الساخنة و المدهونة بالزيت


و لانحشي حتى ننزع التي قبلها من المقلاة



و نضعها فوق صنية مشبكة حتى لا تكون ندية